ازاي نقدر نستفيد من علم الجرافولوجي

ازاي نقدر نستفيد من علم الجرافولوجي ؟

علم الجرافولوجي بيوضح و بيكشف الشخصية بكل تفاصيلها بس لصاحب الشخصية فقط و دي حط تحتها مليون خط علشان فية حاجة اسمها ميثاق الشرف المهني زي الأطباء بالضبط و دة ميثاق أنا مضيت علية عند اعتمادي من ( AAHA ) اللي هي اكبر منظمة في العالم للجرافولوجي ,يعني مينفعش أكشف شخصيتك لحد نهائي.

طيب انتي بتقولي إنك هتساعدي المتجوزين و اهل المراهقين يعني معنى كدة انتي مش هتقولي للزوجة عن صفات الزوج و لا هتقولي للزوج عن صفات الزوجه مثلاً؟

طبعا مش هقول لكن في جلسات حل مشكلات الأسر بنوصل لطريقة نفهم بيها الشخصيات في الاسرة و نحدد أساليب التعامل لكن مش بنكشف كل شخصية للتاني علشان صدقوني الجرافولوجي بيكشف الشخصية و يوضحها بشكل كبير جداً فبالتالي مينفعش خصوصيات شخص يعرفها حد غير المعالج بتاعة.

الجرافولوجي علم بيوضح لك صفات كتير أوي زي مثلا :

▪️طريقة تفكيرك هل انت شخصية محللة او مستكشفه او منظمة او سريعة الفهم و الرد او كل دول مع بعض ؟

▪️هيوضح لك صفات زي الإرادة ،التسويف، العزيمة ، الإصرار ، التفاؤل ، الحذر، ذاكرتك العاطفية قوية و إلا ضعيفة، التشتت، ميولك الفنية ،الغيرة ،العنف ، العناد و صفات تانية كتيرة جدا .

▪️أحيانا مش بنكون عارفين نفسنا كويس اوي و دة نظراً لإننا مش بنقعد بورقة و قلم و نفكر في مميزاتنا و نقاط ضعفنا.
مش بنفكر إزاي نبقى أحسن.

بداية الطريق لمعرفة النفس بتكون بالجلوس مع نفسي و معايا ورقة و قلم علشان احدد كل صفاتي و نقاط قوتي علشان أزودها و احسنها و اعرف كمان نقاط ضعفي و أحدد الطرق المختلفة علشان أعدلها و دة مش هسمية تضييع وقت لكن دة بداية التحضير للرحلة و الوقت دة هوفرة من عمر الرحلة نفسها لإني هكون بدأت و أنا على أرض صلبة و عرفت إية المعدات اللي معايا للرحلة و حددت بدقة فين المشكلة.

الجرافولوجي برضو هيحتاج ورقة و قلم و هتكتب و بعد التحليل اللي هعملهولك هتلاقي إن صفاتك أصبحت واضحة و عارف تبدأ منين و إزاي .

بداية-الطريق-لمعرفة-النفس-علم-الجرافولوجي

 شرح مجالات الجرافولوجي :

١. التحليل الشخصي
تحليل شخصيتك دة هيكون هو نقطة البداية و الإنطلاق لتغيير حياتك بالكامل.

لما بتحلل شخصيتك بتقدر تعرف بالتفصيل إزاي مخك بيشتغل و إية اللي بيحركة و هيبان عندك شكل شخصيتك بالكامل و ميولك سواء فنية أو ادبية و كمان هل أنت اجتماعي و إلا انطوائي ؟ و نسبة العنف و العناد جواك و هل عندك استمرارية في حياتك و إلا تبدأ حياتك و تقف بعدها و تزهق .

لما هتعرف الصفات دي و نبدأ مع بعض نحلل شخصيتك و نربط كل الصفات ببعض هتلاقي نفسك وفرت وقت كبير و أنت تاية في الدنيا و مشتت بل بالعكس كمان دأنت هتعرف نقاط ضعفك و هنحدد الطريقة الأمثل لتقليلها و الشغل عليها.

رهام-شاهين-شرح-مجالات-الجرافولوجي

المجال التاني الجرافولوجي بيستخدم فية و بقوة هو :

توضيح مدى توافق الطرفين المقبلين على الزواج.

يتم معرفة مدي التوافق لما بنحلل كل طرف على حدة و نبدأ نجيب التقارير لكل شخصية فيهم بنبدأ ندور على الصفات اللي فيها مشكلة بمعنى :

لو بصيتوا على فيديوهاتي و لقاءاتي هتلاقوا إن من ضمن فن اختيار شريك الحياة إني أعرف هل هقدر اتعايش مع صفاتة الصعبة ؟
هل صفاتة اللي مش بحبها هقدر اتأقلم معاها او ابقى ذكية في التعامل معاها ؟

و طبعا بلاش تقولولي الحب بيصنع المعجزات لإنة فعلا بيصنع المعجزات لو كان الشغف و التوهج بتاعة مستمر و قدر الطرفين يعيشوا بة.

طيب الشغف هيفضل موجود ازاي بعد ما كل طرف شاف التاني على حقيقتة من غير اي تجميل ؟

هو بالضبط باللي الجرافولوجي هيطلعة اللي هو الصفات الصعبة اللي في الطرف التاني اللي لازم احدد من الاول هقدر اتعايش معاها و لا لأ لإن استحالة اجبر مخلوق على إنة يتغير إلا بإرادتة.

المجال-التاني-الجرافولوجي-رهام-شاهين

Leave a Reply

Your email address will not be published. Required fields are marked *