تعرف علي كيفية التعامل مع الشخصية القلقة مع رهام شاهين

الشخصيه القلقه

تعريف الشخصيه

من الشخصيات اللي التعامل معاها بيسبب التوتر و ممكن تتحول بسهوله لعلاقه سامه جدا لما يتحول القلق لتوتر دائم و يتحول لإضطراب نفسي يستلزم العلاج ,الشخص القلوق عنده سيناريوهات كتيرة اوي في دماغه بيبنيها و لا يحب المفاجآت يعني لو هيسافر هتلاقيه واخد معاه من الإبره للصاروخ أحسن تحصل مشكله و منلاقيش اللي يلحقه , خايف على نفسه و على اللي معاه احيانا

ماهي سمات الشخصيه القلقه ؟

  • الامن و الامان هم نمرة ١ عنده
  • الإستعداد التام بيتحول معاه لإضطراي في الشخصيه علشان مش هيتحمل أي مفاجأة
  • هو شخص بيفكر في كل حاجه و عنده فكرة ” ماذا لو “
  • يا ترى لو حصل كذا هعمل إيه ؟ يا ترى لو فلان جه هيبقى عايز إيه مني؟

أمثله حياتيه الشخصيه القلقه

خايفين على اللي حواليهم و نفسهم بصورة مبالغ فيها و أحسن مثال عندنا هو الاهل الover protective   اللي عندهم فرط حمايه لولادهم احسن يحصل للولاد خطر او مصيبه و كإن الدنيا هتاكلهم لو حصلت مشكله صغيره و للعلم ولادهم بيطلعوا معتمدين عليهم تماما و يغرقوا في شبر مايه زي ما بنقول .

ماهي طرق التعامل مع الشخصية القلقة ؟

  • ممنوع المفاجآت و الصبر معاة و نديلة كل المعلومات الكافيه علشان يرتاح و يقدر يحدد خطته إيه في المستقبل
  • شخصيه متعبه لنفسه اولا للاسف دة عايش في ” ماذا لو ” يعني المستقبل و دة شئ مرهق جدا و لا يستمتع بالمتاح و هيفضل يفكر في كل حاجه
  • نساعده يهدى لكن لو تطور الوضع لازم علاج نفسي

Leave a Reply

Your email address will not be published. Required fields are marked *