الفرق بين الرؤية و الهدف  

 

الفرق بين الرؤية و الهدف  

الرؤية هي صورة كبيرة تخيلية لوضعك في المستقبل يعني مثلاً زي ما بنقول كدة نفسي يبقى عندي شركة بس مينفعش اسكت علشان الرؤية كدة مش واضحة .
لازم الرؤية تكون تفصيلية علشان نقدر نحدد الأهداف و الخطوات اللي لازم نعملها من دلوقتي لغاية وقت إكتمال الرؤية , يعني مينفعش ام تيجي تقولي عايزة ابني احسن الناس . طبعا من حقك لإني كأم نفسي أشوف ابني أحن واحد بس يعني اية أحسن الناس ؟

الفرق-بين-الرؤية-و-الهدف-رهام-شاهين

يعني ناجح مثلا ؟
طيب ناجح في اية ؟
نفسي يبقى دكتور ؟
طيب هو عايز يبقى إية ؟
الرؤية بيحددها صاحبها مش أي حد غيرة .

لية ؟

علشان كل واحد فينا عندة حلم و مينفعش مثلاً احلم حتى لولادي.

يبقى اتفقنا نحدد و نكتب رؤيتنا علشان نبدأ نحدد الأهداف و الخطوات لتحقيقها.

ممكن نضرب مثال عام للموضوع دة :

شاب صغير عنده ٢٠ سنة عايز يبقى عندة مصنع و يبقى غني. كتير من الشباب بيفكر كدة ، علشان الشاب يبقى محدد لازم يفكر هو عايز مصنع ينتج إية ؟

و هو لازم يحضر نفسة إزاي ؟

اوقات كتير بيسألوني طيب لو معرفتش احقق الهدف دة بسبب خارج عن إرادتي زي المرض مثلا؟

ردي بيكون في إني لازم أضيف مهارة لشخصيتي و صفة تساعدني على تغيير أهدافي عند وجود أي عقبات و ممكن ساعتها المرض يكون دافع ليا للإنجاز أكتر و ممكن بدل المصنع يبقى عندي هدف تاني إني أساعد غيري من خلال مؤسسة مثلا.

كل دة مش هيتحقق إلا لو عرفت نفسي

Leave a Reply

Your email address will not be published. Required fields are marked *