تعرف علي طرق التعامل مع الشخصية الانانية مع رهام شاهين

الشخصيه الأنانيه

تعريف الشخصيه

الاناني هو الشخص استحواذي و إنتهازي لإنه عايز أحسن حاجه و كل حاجه له لنفسه و بس  شخص مش بيشوف غير نفسه ,مهمل للي حواليه و شايف نفسه احسن حد في الدنيا و رغباته لازم تكون محققه, و هو الأول في التحقيق لأي شئ , بتتكون شخصية الاناني لما تضطرب الشخصيه المحبه لنفسها و دة بيظهر من الطفوله مش فجأه .

الاناني شخصية بين الشخص اللي بيحب نفسه إيجابيا و الشخصيه النرجسية هو بيحب نفسه جدا و كل شئ متمركز حوالين نفسة و بس .

 

ماهي سمات الشخصية الانانية ؟

  • غالبا ما بتلاقي الأناني يحس إنه  لازم يكون قبل اي حد
  • يعني الزوج اللي عايز مراته تمدح فيه قدام الكل و إزاي تتكلم عن أي حد او اي حاجه غيره و هم بره قدام الناس
  • غالبا ما بيبدأ كلامه ب  انا و ينهي ب انا
  • غالبا تلاقيه بيقول انا افضل واحد

 

ما هي سمات الشخصية الانانية في الطفولة ؟

الشخصيه الانانيه بتبدأ من الطفولة وتظهر في التالي :

  • إنفراد الطفل باللعب لوحده لإن الآخرين مش حلوين مش لإن عنده توحد أو مبيحبش اللمه .
  • بتبدأ لما الطفل يبدأ ميشوفش غير نفسه و ميتكلمش إلا عن نفسه و يغفل الآخرين أيا كانت صفتهم  .

 

ماهي الاسباب التي تؤدي لخلق الشخصيه الأنانيه  ؟

١.  المقارنه بين الاولاد بتخلي الطفل يتحول إنه عايز يبقى مقدر و متشاف فيبدأ يدور على نفسه و بس علشان أبقى الأحسن.

٢. التركيز على طفل واحد دون اخواته علشان متميز في شئ و التحقير من الآخرين و تفضيلة دائما .

٣. تلبية كل رغبات الطفل حتى لو أكبر من قدرة الأسره على أساس انه الاهم على الإطلاق .

٤. عدم معاقبة الطفل و من امن العقاب اساء الادب فالطفل هيشوف نفسه فوق الكل .

٥. الفصل بين الابناء بسبب مشاكلهم و عدم السماح لهم باللعب مع بعض اتقاء للمشاكل هيزرع روح الانانيه و الفردية .

 

ماهي طرق التعامل مع الشخصيه الانانية ؟

1- الاكتشاف المبكر منذ الطفوله من قبل الأهل علشان الاعراض تقل و تتحل المشكلة .

2- اهم شئ هو إني اشرح له حدودة معايا و انة لا يتعداها و كمان اعرف حقوقي كويس جدا و مخليهوش يتعداها تحت اي مسمى نهائي

3- الصبر على هذه الشخصيه لإن ممكن تبقى مستفز من كتر ما بيتكلم عن نفسه .

4- تغيير المواضيع معاه لما تلاقيه بيزود الكلام عن نفسه بطريقه مرنه علشان يحس انك تعبت .

Leave a Reply

Your email address will not be published. Required fields are marked *